Gwybodaeth am y Ganolfan

BWYTA, YFED, SIOPA A CHWARAE YN MERMAID QUAY

Wedi’i leoli mewn lleoliad godidog ar lan y dŵr, mae yma fwytai, bariau, caffis, adloniant, siopau a gwasanaethau yng nghanol Bae Caerdydd.

Mewn ardal sydd wedi’i thrwytho yn hanes diwydiannol Cymru, mae pensaernïaeth nodedig Mermaid Quay wedi’i hysbrydoli gan y lleoliad morwrol a’r dreftadaeth gyfoethog.

Os ydych chi’n mwynhau bwyd o bedwar ban byd, mae gan Mermaid Quay rywle fydd yn addas i bob chwaeth, cyllideb a hwyl. Awydd gwneud ychydig o siopa? Gallwch bicio i siop roddion Zia Boutique, Fabulous Welshcakes, Pavers Shoes, Tesco Express a salon gwallt arobryn Ken Picton. Yn ogystal ag adloniant at ddant pawb, gallwch fwynhau’r ffilmiau diweddaraf yng nghysur moethus Sinema Everyman. Mae yno bum sgrin sinema, cegin Spielburger, a bar moethus sy’n gweini coctels, prydau i’w rhannu a pizzas. Cewch lond bol o chwerthin yn The Glee Club, clwb comedi cyntaf a gorau Caerdydd neu beth am daith hyfryd ar wasanaeth bws dŵr yr Aquabus – sy’n cynnig teithiau o amgylch y Bae, y tu hwnt ac i ganol y ddinas.

P’un a ydych chi’n ymweld am noson gyda’ch cariad, ar ddiwrnod allan gyda’r teulu neu’n cael diwrnod o hwyl a sbri gyda ffrindiau, mae Mermaid Quay yn lleoliad perffaith.

I gael y wybodaeth ddiweddaraf am yr hyn sy’n digwydd yn Mermaid Quay a Bae Caerdydd, ewch i ran beth sydd ymlaen y wefan hon.